«Եթե ուզում եք՝ ԱԺ-ում լինի ազգային գաղափարախոսություն, և չթողնեն, որ թուրքն այստեղ ապրի, ապա ընտրեք «Սասնա ծռեր» կուսակցությանը»
«Սասնա ծռեր» համահայկական կուսակցության անդամները նախընտրական քարոզարշավի 8-րդ օրը հանդիպումներ ունեցան մայրաքաղաքի բնակիչների հետ։ Շրջելով Երևանի կենտրոնում՝ կուսակցության անդամները թռուցիկներ բաժանեցին քաղաքացիներին և համառոտ ներկայացրեցին նախընտրական ծրագիրը։
«Եթե ուզում եք՝ խորհրդարանում լինի ազգային գաղափարախոսություն, ազգի նվիրյալները դառնան ապատգամավոր, անառիկ պահեն մեր երկրի սահմանները և չթողնեն, որ թուրքն այստեղ ապրի, ապա ընտրեք «Սասնա ծռեր» կուսակցությանը։ Մեզ հետ բոլորը հերոսներ են, որոնք կռվել են Արցախում»,- քաղաքացիների հետ հանդիպման ընթացքում նշեցին կուսակցության անդամները։
Երևանի կենտրոնում շրջելուց և թռուցիկներ բաժանալուց հետո կուսակցության անդամները բաժանվելով տարբեր խմբերի՝ շտապեցին Երևանի տարբեր վարչական շրջաններ։
Նշենք, որ մայրաքաղաքում հանդիպումներից հետո կուսակցության անդամները մինչև քաոզարշավի ավարտը կլինեն նաև Սյունիքի, Տավուշի, Լոռու մարզերում։
https://www.facebook.com/sasnatzrer/videos/896688647201831/
Զվարթ Խաչատրյան
