2018թ. առաջին 10 ամսում Թուրքիա է այցելել 41 մլն-ից ավել մարդ
Թուրքիայի մշակույթի և զբոսաշրջության նախարարութունը հրապարակել է 2018թ. առաջին 10 ամսում Թուրքիա ժամանած այցելուների թիվը:
Համաձայն այդ տվյալների` 2018թ. առաջին 10 ամսվա ընթացքում Թուրքիա է ժամանել 41 մլն-ից ավել այցելու:
Նախորդ տարվա նույն ժամանակահատվածի (35 մլն 571 419 այցելու) համեմատ 22.43% աճ է գրանցվել:
Տվյալ ժամանակատվածում ամենից շատ այցելու Թուրքիա մեկնել է Ռուսաստանից (5 մլն 724 672), Գերմանիայից (4 մլն 155 646) և Անգլիայից (2 մլն 158 304): Նախորդ տարվա նույն ժամանակահատվածի համեմատ Ռուսաստանից Թուրքիա մեկնած այցելուների թիվը աճել է 16.09%-ով, Գերմանիայից մեկնածներինը` 11.68 %-ով, իսկ Անգլիայից` 6.7 %-ով:
Ցուցանիշով Անգլիային հաջորդել են Բուլղարիան և Վրաստանը:
2018թ. միայն հոկտեմբերին Թուրքիա այցելած զբոսաշրջիկների թիվը նախորդ տարվա նույն ժամանակահատվածի հետ համեմատ 25.48%-ով աճելով՝ կազմել է 3 մլն 755 467:
