Ավտոմեքենան բախվել է էլեկտրական սյանը. տուժածներ չկան
Սեպտեմբերի 30-ին, ժամը 03:10-ին «911» ծառայությանն ահազանգ է ստացվել, որ Երևան քաղաքի Հաղթանակ կամրջի տակ տեղի է ունեցել ՃՏՊ՝ ավտոմեքենան շրջվել է կամրջից և այրվում է. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Պարզվել է, որ Mercedes C մակնիշի ավտոմեքենան (վարորդը՝ Ս. Գ.) բախվել է էլեկտրական սյանը: ՃՏՊ-ի հետևանքով ամբողջությամբ այրվել է ավտոմեքենայի շարժիչի հատվածը:
Հրդեհը մեկուսացվել է ժամը 03:40-ին, մարվել՝ 04:00-ին: Տուժածներ չկան:
