«Սահմանադրություն խախտելը դեռևս չի նշանակում՝ սահմանադրական կարգի տապալում». Արամ Օրբելյան
«Սահմանադրությունը գործելը և Սահմանադրություն խախտելը տարբեր բաներ են, Սահմանադրություն խախտելը դեռևս չի նշանակում՝ սահմանադրական կարգի տապալում»,- այսօր լրագրողների հետ հանդիպման ժամանակ հայտարարեց Մարտի 1-ի գործով մեղադրյալ Ռոբերտ Քոչարյանի փաստաբանական թիմի անդամ Արամ Օրբելյանը՝ անդրադառնալով սահմանադրական կարգի տապալման խնդրին:
Ըստ նրա՝ հանցագործությունը, որպես այդպիսին, ունի 4 բաղադրիչ, որոնցից մեկն արարքն է, այսինքն՝ երբ որևէ մեկին ուզում են դատապարտել, պետք է լինի գործողություն կամ անգործություն:
«Սահմանադրությունը հստակ արձանագրում է՝ նախագահն իր պաշտոնավարման ընթացքում և պաշտոնավարումի ավարտից հետո չի կարող հետապնդվել և պատասխանատվության ենթարկվել իր կարգավիճակից բխող գործողությունների համար:
Այս տեքստը փորձ է արվում ձևափոխել և ասել՝ կախված՝ ինչ հանցագործություն է, դրանից կախված՝ կարող է ունենա կամ չունենա, եթե սահմանադրական կարգի տապալում է, չի կարող անձեռնմխելիություն ունենալ»,- ասաց Ա.Օրբելյանը՝ ընդգծելով, որ խոսքը չի գնում Ռոբերտ Քոչարյան անձի կամայական ակտի մասին, այլ խոսքը Հայաստանի Հանրապետության ակտի մասին է։
Մանրամասները՝ տեսանյութում
