Ուսուցիչները ե՞րբ կարող են աշխատավարձերի բարձրացում ակնկալել. պարզաբանում է ԿԳ նախարարը
ՀՀ ԿԳ նախարար Արայիկ Հարությունյանն այսօր լրագրողների հետ զրույցում պատասխանելով հարցին՝ աշխատավարձերի բարձրացում ուսուցիչները ե՞րբ կարող են ակնկալել, հետևյալն ասաց.
«Ներկայում բյուջետային քննարկումներ են տեղի ունենում, ունենք «Ուսուցիչ» նախագիծ, որի շրջանակներում վերապատրաստվող ուսուցիչները կունենան աշխատավարձի բարձրացում, իսկ համընդհանուր բոլոր ուսուցիչների աշխատավարձերի բարձրացման հարցին կանդրադառնանք արդեն բյուջետային քննարկումների ժամանակ՝ հաջորդ տարի»։
Նախարարը նաև նշեց, որ հիմա դպրոցների տնօրեններն իրենց ֆինանսական հնարավորությունների սահմաններում կարող են որոշել իրենց հաստիքները. «Եթե կես դրույք իրենց հաշվապահ է պետք, նայում են իրենց ֆինանսական հնարավորությունները և որոշում իրենց հաստիքը»։
