Վթար Չեխով-Մանթաշյան փողոցների խաչմերուկում. կա տուժած
Հուլիսի 22-ին, ժամը 21:53-ին «911» ծառայությանն ահազանգ է ստացվել, որ Երևան քաղաքի Չեխով-Մանթաշյան փողոցների խաչմերուկում տեղի է ունեցել ՃՏՊ, կա տուժած. անհրաժեշտ է օգնություն:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են «BMW 318» մակնիշի վարորդը` Հ. Գ., ծնված 1978թ. և «Mercedes G» մակնիշի վարորդը` Ս. Ի., ծնված 1991թ. ավտոմեքենաները:
«BMW 318» մակնիշի ավտոմեքենայի ուղևորը՝ Գ. Ս.-ը ծնված 1960թ. տարբեր բնույթի մարմնական վնասվածքներով հոսպիտալացվել է Էրեբունի ԲԿ, որտեղ բժիշկները նրա առողջական վիճակը գնահատել են բավարար:
«BMW 318» մակնիշի ավտոմեքենայի վարորդը հոսպիտալացվել է Էրեբունի ԲԿ, որտեղ նա հրաժարվել է բուժօգնությունից:
Փրկարարներն իրականացրել են ճանապարհի լվացման աշխատանքներ:
