Հույս ունեմ, որ Հայաստանում տեղի ունեցած փոփոխությունները նոր ստեղծագործական լիցք կտան մեր կինոգործիչներին. Ն. Փաշինյանի ուղերձը՝ «Ոսկե ծիրան»-ի մասնակիցներին
ՀՀ վարչապետ Նիկոլ Փաշինյանը ուղերձ է հղել այսօր Երևանում մեկնարկած «Ոսկե ծիրան» միջազգային փառատոնի մասնակիցներին։
Ուղերձի տեսագրությունը ֆեյսբուքյան իր էջում հրապարակել է վարչապետի մամուլի խոսնակ Արման Եղոյանը։
Փաշինյանը շնորհավորել է բոլորին՝ այս կարևոր իրադարձության կապակցությամբ
«Հատուկ շնորհավորում եմ մեր հյուրերին, որոնք եկել են մի երկիր, որն ապրում է նոր հույսով, որը շարժվում է նոր շնչով, նոր լավատեսությամբ, լի է նոր էներգիայով և լավատեսությամբ է նայում դեպի ապագա։
Ես հույս ունեմ, որ տեղի ունեցած իրադարձությունները երբևէ իրենց արտահայտությունը կգտնեն կինոյում։ Հույս ունեմ, որ այն փոփոխությունները, որոնք տեղի ունեցան Հայաստանում, նոր ստեղծագործական լիցք և էներգիա կտան մեր կինոգործիչներին և նրանք հնարավորություն կունենան ստեղծելու նորանոր և բազմաթիվ գլուխգործոցներ»։
Վարչապետի ողջույնի խոսքը «Ոսկե ծիրան» 15-րդ միջազգային կինոփառատոնի պաշտոնական բացման արարողությանը՝ ձևավորված լայվի լավագույն ավանդույթներով:)
Gepostet von Arman Yeghoyan am Sonntag, 8. Juli 2018
