Ալեգրին չհեռացավ «Յուվենթուսից», որովհետև նրան խոստացել էին գնել Ռոնալդուին
«Բիանկոներների» մարզիչը երազում է Չեմպիոնների լիգայում հաղթանակի մասին:
«Յուվենթուսի» գլխավոր մարզիչ Մասիմիլիանո Ալեգրին նախորդ գարնանը մերժեց «Արսենալի» առաջարկը, քանի որ «Ծեր Սենյորայի» ղեկավարները խոստացել էին նրան, որ ջանքեր կգործադրեն Կրիշտիանու Ռոնալդուին գնելու համար:
2018թ. ապրիլին «Արսենալից» հեռանալու մասին հայտարարեց Արսեն Վենգերը, և Ալեգրին համարվում էր այդ տեղի գլխավոր թեկնածուներից մեկը: Այնուամենայնիվ, «Զինագործներին» գլխավորեց Ունայի Էմերին, իսկ Ալեգրին մնաց «Յուվենթուսում»:
Ըստ լրագրող Դունկան Կասլսի տվյալների՝ «Յուվենթուսի» մարզիչը հրաժարվեց «Արսենալի» հետ պայմանագրից հենց Ռոնալդուի՝ Թուրին հնարավոր տեղափոխության պատճառով:
«Ինձ հայտնել են, որ Ալեգրին իսկապես վառվում էր Ռոնալդուին գնելու մտքից: Այդ տեղափոխությունը պետք է դառնա թիմի վերակառուցման մի մասը: Առանց այդ վերակառուցման նա չէր համաձայնի մնալ «Յուվենթուսում» ևս մեկ տարի. նա առաջարկներ ուներ «Ռեալից» և «Արսենալից»»,- Կասելսի խոսքերն է մեջբերում Express.co.uk-ը:
Պատրաստեց Անի Գաբուզյանը
