Մասիսի քաղաքապետի եղբորն էլ կալանավորեցին
ՀՀ Քննչական կոմիտեի նախագահի խորհրդական Սոնա Տռուզյանը գրում է.
«Դատարանը քիչ առաջ բավարարեց նաեւ Մասիսի քաղաքապետի եղբոր՝ Գոռ Համբարձումյանի նկատմամբ որպես խափանման միջոց կալանավորումն ընտրելու մասին միջնորդությունը:
Ապրիլին Երեւանում եւ Արարատի մարզում տեղի ունեցած մի քանի դեպքերի առթիվ հարուցված քրեական գործերը, քրդատօրենսգրքով նախատեսված հիմքերով միացվել են մեկ վարույթում, որի շրջանակներում հուլիսի 5-ին Մասիսի քաղաքապետ Դավիթ Համբարձումյանին մեղադրանք է առաջադրվել՝ ՀՀ քրեական օրենսգրքի 225-րդ հոդվածի 1-ին և 2-րդ մասերով և ՀՀ քրեական օրենսգրքի 258-րդ հոդվածի 4-րդ մասով, ՝ Գոռ Համբարձումյանին՝ ՀՀ քրեական օրենսգրքի 258-րդ հոդվածի 3-րդ մասի 1-ին կետով (2 դրվագ) և ՀՀ քրեական օրենսգրքի 258-րդ հոդվածի 4-րդ մասով»։
