Ռայմոնդ Գևորգյանն ընտրվեց «Հայոց ցեղասպանության թանգարան-ինստիտուտի» հոգաբարձուների խորհրդի նախագահ
«Հայոց ցեղասպանության թանգարան-ինստիտուտ» հիմնադրամի խորհրդի անդրանիկ նիստին այսօր մասնակցում էր ՀՀ կրթության և գիտության նախարարի տեղակալ Հովհաննես Հովհաննիսյանը, ով ներկայացրեց, թե ինչպես տուն թանգարան ՊՈԱԿ-ը ներկայումս դարձել է հիմնադրամ:
Նիստը վարեց հոգարաբձուների խորհրդի ամենատարեց անդամը՝ ազգագրագետ Հրանուշ Խառատյանը: Նա նշեց, որ հոգաբարձուների տասնհինգ անդամից նիստին ներա է տասնմեկը:
Հրանուշ Խառատյանը ներկայացրեց նիստի օրակարգը, ըստ որի՝ հարցերը վերաբերում էին «Հայոց ցեղասպանության թանգարան-ինստիտուտ» հիմնադրամի հոգաբարձուների խորհրդի աշխատակարգի ընդունմանը, հոգաբարձուներ խորհրդի նախագահի, քարտուղարի ընտրությունը, կանոնակարգի հաստատումը և այլն:
Աշխատակարգը ընդունելուց հետո հոգաբարձուների խորհրդի նախագահի թեկնածու առաջադրեցին Ռայմոնդ Գևորգյանին, ով թեև Հայաստանում չէր և չէր մասնակցում նիստին, սակայն հաղորդագրություն փոխանցեց, որով տվեց իր համաձայնությունը: Այսպիսով՝ բաց քվեարկությամբ նա միաձայն ընտրվեց հոգաբարձուների խորհրդի նախագահ:
Իսկ քարտուղար ընտրվեց Վլադիմիր Վարդանյանը՝ նույնպես միաձայն:
