«Երբեք չեմ մոռանա այս 17 տարիները». Բուֆոն
«Յուվենթուսի» դարպասապահ Ջանլուիջի Բուֆոնը մեկնաբանել է իր վերջին օրը «Յուվենթուսի» ֆուտբոլիստի կարգավիճակում:
Հունիսի 30-ը վերջին օրն էր, երբ Բուֆոնը դեռ պաշտոնապես հանդիսանում էր «Յուվենթուսի» խաղացող: Դրա պատվին Ջիջին գրել է հետևյալն իր Թվիթերում.
«17 տարի «բիանկոներների» մարզաշապիկով. դրանք այսօր պաշտոնապես կավարտվեն:
17 տարի ընկերներ, ակումբակիցներ, հաղթանակներ, պարտություններ, տիտղոսներ, խոսքեր, զայրույթ, հիասթափություններ և երջանկություն: Այսքան շատ էմոցիաներ:
Ես երբեք ոչինչ չեմ մոռանա: Այս ամենը միշտ կլինի ինձ հետ»:
Ավելի վաղ հաղորդվել էր, որ Բուֆոնը կարիերան կշարունակի ՊՍԺ-ում:
Պատրաստեց Անի Գաբուզյանը
