Ալեքսանդր Գոլովինը կատարյալ խաղացող է, ռուսական Մոդրիչ. Ռոբեր Պիրես
Ֆրանսիայի հավաքականի և «Արսենալի» նախկին կիսապաշտպան Ռոբեր Պիրեսը գտնում է, որ Ռուսաստանի հավաքականի աստղ Ալեքսանդր Գոլովինը կդառնա լավագույն ֆուտբոլիստներից մեկը Եվրոպայում:
«Ռուսաստանի հավաքականում ինձ բոլորից շատ դուր է գալիս Գոլովինը: Ինձ համար նա համար մեկն է: Նա նկատելիորեն ավելի ուժեղ է Ռուսաստանի հավաքականի բոլոր ֆուտբոլիստներից: Բացարձակ լավագույնը: Ըստ իս՝ նա կարող է ամեն ինչ անել:
Գոլովինը կատարյալ ֆուտբոլիստ է, ռուսական Մոդրիչ: Նա ընդամենը 22 տարեկան է, այնպես որ, ապագան գերազանց է: Նա պատրաստի ֆուտբոլիստ է ԱՊԼ-ի թոփ-ակումբների համար»,- Պիրեսի խոսքերն է մեջբերում Спорт-Экспресс-ը:
Պատրաստեց Անի Գաբուզյանը
