«Աղքատության դեմ պայքարը իրականում տնտեսության զարգացման մեջ է». Մանե Թանդիլյան
Այսօր ԱԺ-ում լրագրողների հետ զրույցում Աշխատանքի և սոցիալական հարցերի նախարար Մանե Թանդիլյանը հայտարարեց, որ աղքատության հաղթահարումը հնարավոր կլինի միայն տնտեսական աճի շնորհիվ:
«Աղքատության դեմ պայքարը իրականում տնտեսության զարգացման, աշխատանքի ապահովման հնարավորության մեջ է, որ ամբողջ պետության գործն է, որ ստեղծվեն պայմաններ, որտեղ մարդիկ աշխատեն և աղքատությունը նվազի»,- ասաց Մ.Թանդիլյանը` չհամաձայնելով լրագրողի դիտարկմանը, որ ինքը ժառանգել է «աղքատության» նախարարությունը:
Նա շեշտեց, որ աղքատությունը մեր պետության խնդիրն է, թեև դա ավելի շատ անդրադառնում է իր ղեկավարած նախարարությանը.
«Մենք ավելի շատ պետք է աշխատենք: Բայց ժամանակ կպահանջվի, դա տնտեսական ցուցանիշների հետ է սերտ կապված»:
