Հայաստանը պատրաստ է հայ-թուրքական հարաբերությունների հաստատմանն՝ առանց նախապայմանների. Նիկոլ Փաշինյան
Հայաստանը պատրաստ է հայ-թուրքական հարաբերությունների հաստատմանն՝ առանց նախապայմանների։ Այս մասին այսօր Ստեփանակերտում ասուլիսի ընթացքում հայտարարեց ՀՀ վարչապետ Նիկոլ Փաշինյանը։
«Դուք գիտեք, որ այդ հարցում նախապայմաններ ունի Թուրքիան։ Այդ նախապայմաններն անտրամաբանական են, որովհետև անտրամաբանական է, որ երկու երկրների հարաբերությունների հաստատման համար նախապայման լինի երրրոդ երկրի հետ հարաբերությունները»,- ասաց Ն.Փաշինյանը։
Ըստ նրա՝ միաժամանակ Հայաստանը հավատարիմ կմնա Հայոց ցեղասպանության միջազգային ճանաչման օրակարգին, որովհետև, Ն.Փաշինյանի կարծիքով, Հայոց ցեղասպանության միջազգային ճանաչումն ավելի շատ կապված է ցեղասպանությունների կանխարգելման հրամայականի, քան հայ-թուրքական հարաբերությունների հետ։
