«Նախարարը վարձու աշխատող չէ». Վիգեն Սարգսյան
ՀՀ պաշտպանության նախարարի պաշտոնակատար Վիգեն Սարգսյանն անթույլատրելի է համարում պաշտպանության նախարարի հրաժարականը, քանի դեռ նշանակված չէ նոր նախարար։ Այսօր լրագրողների հետ հանդիպման ընթացքում նա ասաց, որ որևէ բան իրեն չի կարող իր պարտականություններից հետ պահել, մինչև չիմանա, թե ով է ստանձնելու իր պարտականությունների կատարումը.
«Երեկ ես հայտարարել եմ, որ բացառում եմ իմ աշխատանքը նոր կառավարության կազմում, որովհետև նախարարը վարձու աշխատող չէ, քաղաքական պաշտոն է, թիմի, միասնության և խորը վստահության խնդիր է։ Անհնար եմ տեսնում շարունակելը իմ աշխատանքը, բայց դա բացառում է, որ որևէ ձևով ես մեկուսացվում եմ գործընթացներից»։
Նա ընդգծեց, որ Սահմանադրությունը չի ենթադրում նախարարի հրաժարական. «Դրա համար բավարար է, որ նշանակվի նոր նախարար, և ես օրենքի ուժով դադարում եմ լինել նախարար»։
