«Բարսելոնան» պաշտոնապես խոսել է Գրիզմանի մասին
Կատալոնական «Բարսելոնայի» նախագահ Բարտումեուն խոսել է Մադրիդի «Ատլետիկոյի» հարձակվող Անտուան Գրիզմանի տեղափոխության մասին:
«Անցած տարի ես հանդիպել եմ նրան, երբ արձակուրդում էի: Բայց ես հանդիպել եմ նաև այլ ֆուտբոլիստների հետ, Գրիզմանի հետ ես չեմ ճաշել:
Ես շփում ունեմ նրա ներկայացուցչի հետ, այնպես, ինչպես այլ ֆուտբոլիստների հետ: Անցած հոկտեմբերին մենք հանդիպել ենք: Բայց կարիք չկա այլ խոսակցություններ տարածել:
Մենք լավ հարաբերություններ ունենք մադրիդյան ակումբի հետ: Բայց մենք չենք կարող խոսել ֆուտբոլիստների մասին, ովքեր խաղում են այլ ակումբներում»,- RAC1-ի ռադիոեթերում նշել է Բարտումեուն:
Սիրարփի Աղաբաբյան
