««Նապոլին» ունի Եվրոպայում լավագույն բիլդ-ափը». Պեպ Գվարդիոլա
«Քաղաքայինների» մարզիչը գնահատել է նեապոլիտանացիների խաղային կառուցվածքը:
Չեմպիոնների լիգայում կայանալիք խաղի նախօրեին Գվարդիոլան կիսվել է մրցակցի մասին կարծիքով:
«Վերջին 10 օրերին ես հնարավորություն եմ ունեցել դիտելու «Նապոլիի» բազմաթիվ խաղեր: Ես տպավորված եմ: Ոչ մի թիմ Եվրոպայում չունի ավելի լավ բիլդ-ափ՝ խաղի լավագույն կառուցվածք: Նկատի ունեմ Պեպե Ռեյնայից մինչև հարձակվողները գնդակը հասցնելու գործընթացը:
Ես անհամբերությամբ սպասում եմ այդ ստուգմանը: Հուսով եմ՝ մենք պահպանել ենք այն մարզավիճակը, որն ունեինք մինչև հավաքականների խաղերը»,- ասել է Գվարդիոլան:
«Մանչեսթեր Սիթին» կընդունի «Նապոլիին» հոկտեմբերի 17-ին, Չեմպիոնների լիգայի խմբային փուլի 3-րդ տուրի խաղում:
Պատրաստեց Անի Գաբուզյանը
