Կոնտեն պլանավորում է ամռանը հեռանալ «Չելսիից»
Ինչպես հաղորդում է բրիտանական The Sunday Times պարբերականը, «Չելսիի» գլխավոր մարզիչ Անտոնիո Կոնտեն պլանավորում է հեռանալ զբաղեցրած պաշտոնից ընթացիկ մրցաշրջանի ավարտից հետո:
Հաղորդվում է, որ 48-ամյա մասնագետը դժգոհ է ամառային տրանսֆերային պատուհանի ժամանակ անցկացրած կամպանիայից, ինչպես նաև ակումբի սեփականատեր Ռոման Աբրամովիչի և տնօրեն Մարինա Գանովսկայայի անհասանելիությունից:
Նախորդ ամառ Կոնտեն հրաժարվել է «Չելսիի» հետ այմանագրի երկարաձգումից և ընդունել է միայն աշխատավարձի բարձրացումը: Մասնագետի գործող պայմանագիրը «Չելսիի» հետ նախատեսված է մինչև 2019 թվականը:
Ավելի վաղ հաղորդվել էր, որ Կոնտեի ծառայություններով հետաքրքրված է «Միլանը»:
Պատրաստեց Անի Գաբուզյանը
