Կարեն Կարապետյանի հանձնարարականը. «Անցում կատարել դեպի առողջ և ակտիվ ծերացման գործողությունների իրականացում»
1992 թվականից ՄԱԿ-ը հոկտեմբեի 1-ը հռչակել է որպես տարեցների միջազգային օր: Այսօր այս մասին կառավարության նիստում հայտարարեց վարչապետ Կարեն Կարապետյանը:
«Այսօրվա հրամայականը մեզ ստիպում է տարեցների սոցիալական պաշտպանության բնագավառում սոցիալական պաշտպանությունից և խնամքից անցում կատարել դեպի առողջ և ակտիվ ծերացման գործողությունների իրականացում»,- ասաց Կ.Կարապետյանը:
Այս առումով, ըստ նրա, պետք է որդեգրվեն սկզբունքորեն նոր մոտեցումներ:
Նա աշխատանքի և սոցիալական հարցերի նախարարին հանձնարարեց մեկամսյա ժամկետում քննարկել տարեց անձանց աշխատաշուկայում ընդգրկելու հնարավորության հարցերը, ուսումնասիրել միջազգային փորձը և համապատասխան առաջարկություններ ներկայացնել սոցիալական ծառայությունների բարելավման ուղղությամբ:
