«Լավ օծանելիքն ինձ վստահություն է տալիս». Կրիշտիանու Ռոնալդուն ներկայացրել է օծանելիք տղամարդկանց, կանանց և երեխաների համար
«Ռեալի» հարձակվողը շատ է սիրում լավ բուրել:
CR7 օծանելիքի շնորհանդեսը տեղի է ունեցել Մադրիդում: Միջոցառման ժամանակ հարձակվողը տեսախաղում կառավարում էր իր վիրտուալ տարբերակը:
Բույրը մշակվել է պարֆումերների կողմից՝ Ռոնալդուի նախընտրությունների հիմքի վրա: CR7-ը նախատեսված է ամենօրյա օգտագործման համար, իսկ օծանելիքի գլխավոր առանձնահատկությունն այն է, որ այն կարող են օգտագործել և տղամարդիկ, և կանայք, և երեխաները:
«Լավ բույրն ինձ վստահություն է տալիս: Ես միշտ սիրել եմ դարչինի բույրը: Այս բույրի ստեղծումը եղել է իմ երազանքը, որը ես բազմիցս փորձել եմ իրականացնել վերջին 3 տարիների ընթացքում»,- Ռոնալդուին է մեջբերում Marca-ն:
Պորտուգալացին զբաղվում է նաև տղամարդկանց ներքնազգեստի, հագուստի և կոշիկի արտադրությամբ:
https://www.youtube.com/watch?v=L2uWK80M_6g
Պատրաստեց Անի Գաբուզյանը
