«Մենք հետ չենք կանգնի միջուկային ուժերի ստեղծումից». Կիմ Ին Ռեն
ԿԺԴՀ-ն չի հրաժարվի միջուկային զենքի մշակումից, որն անհրաժեշտ է երկրի ինքնիշխանության եւ Միացյալ Նահանգների սպառնալիքից իր ժողովրդի գոյության իրավունքի պաշտպանության համար: Հունիսի 28-ին ՄԱԿ-ի Անվտանգության խորհրդի նիստում այս մասին հայտարարել է համաշխարհային կազմակերպությունում ԿԺԴՀ-ի մշտական ներկայացուցչի տեղակալ Կիմ Ին Ռենը։
Նա վստահություն է հայտնել, որ ԱՄՆ-ը «մտադիր է ուժով ոչնչացնել ԿԺԴՀ-ն, ռազմական գերակշռություն ստանալ Ասիախաղաղօվկիանոսյան տարածաշրջանում եւ իրականացնել համաշխարհային տիրապետության հասնելու իր երազանիքը»:
«Ով ինչ էլ որ ասի, ինչ պատժամիջոցներ, ճնշումներ եւ ռազմական հարձակումներ էլ որ հետեւեն, մենք հետ չենք կանգնի միջուկային ուժերի ստեղծումից, որոնք կոչված են պաշտպանելու երկրի ինքնիշխանությունը եւ ժողովրդի գոյության իրավունքը»,- ասել է հյուսիսկորեացի դիվանագետը, հաղորդել է ՏԱՍՍ-ը:
