«Նարո ջան»-ը` Ֆերհաթ Թունչի կատարմամբ
Թուրքիայում քուրդ հայտնի արվեստագետ Ֆերհաթ Թունչի կատարմամբ հայ ժողովրդական երգի հիման վրա տեսահոլովակ է նկարահանվել: Այս մասին հաղորդում է ermenihaber.am-ը:
Ռեժիսոր Զելալ Սեվերի կողմից նկարահանված տեսահոլովակում Թունչը կատարում է «Նարո ջան» երգը, որը ի դեպ տեղ է գտել իր «Քոբանի» կոչվող ալբոմում: Արվեստագետի յութուբյան էջում հրապարակված տեսահոլովակը նկարահանվել է Ստամբուլի պատմական Ֆեներ թաղամասում:
«ֆերհաթ Թունչը իր ձայնով, մեկնաբանությամբ, իր զգացմունքներով հնչեցնելով «Նարո ջան» երգը կարծես ասում է «աշխարհը իմ տունն է»»,- ասվում է թուրքալեզու «alevinet.com» կայքում տեղ գտած հրապարակման մեջ:
