Եվրահանձնաժողովը Google-ին տուգանեց 2,4 մլրդ եվրոյի չափով
Եվրահանձնաժողովը (ԵՀ) որոշել է ամերիկյան Google կորպորացիային տուգանել ռեկորդային 2,4 մլրդ եվրոյով Եվրամիության հակամենաշնորհային օրենքները խախտելու համար: Այդ մասին ասված է ԵՀ-ի հայտարարության մեջ, որը հունիսի 27-ին տարածվել է Բրյուսելում:
«Ընկերությունը չարաշահում է իր՝ որպես որոնողական համակարգի գերիշխող դիրքը շուկայում՝ անօրինական առավելություն տալով Google-ի այլ արտադրանքի»,-նշվում է փաստաթղթում:
Google-ում հայտարարել են, որ ընկերությունը կարող է Եվրոպական դատարանում գանգատարկել ԵՀ-ի որոշումը: «Մենք հարգալից անհամաձայնություն ենք հայտնում այն եզրակացությունների կապակցությամբ, որոնք հրապարակվել են այսօր,-ասված է կորպորացիայի պաշտոնական բլոգում հունիսի 27-ին հրապարակված հայտարարության մեջ:-Մենք մանրակրկիտ կուսումնասիրենք հանձնաժողովի որոշումը, մենք կքննարկում ենք գանգատարկում տալու հնարավորությունը», հաղորդել է ՏԱՍՍ գործակալությունը:
