Նեմանյա Մատիչը կտեղափոխվի «Մանչեսթեր Յունայթեդ» 46 մլն եվրոյով
Տրանսֆերը կարող է ձևակերպվել արդեն այս շաբաթ:
«Մանչեսթեր Յունայթեդի» գլխավոր մարզիչ Ժոզե Մոուրինիոն խնդրել է ղեկավարությանը ձեռք բերել «Չելսիի» կիսապաշտպանին: Ակումբները համաձայնության կգան այս շաբաթվա վերջում. «Մանչեսթեր Յունայթեդը» Մատիչի համար կվճարի 46 մլն եվրո:
Ինչպես հաղորդում է ESPN-ը, «կապույտները» պատրաստ են վաճառել Մատիչին, որովհետև վստահ են, որ կարող են գնել «Մոնակոյի» ֆուտբոլիստ Տիեմուե Բակայոկոյին:
2016-17թթ. մրցաշրջանում անցկացրած 42 խաղերում Մատիչի հաշվին գրանցվել է 2 գոլ և 9 ասիստ:
Transfermarkt-ը 28-ամյա կիսապաշտպանին գնահատում է 35 մլն եվրո:
Պատրաստեց Անի Գաբուզյանը
