Ո՞ր դատախազներն են խրախուսվելու և ո՞ր քայլի համար. «Ժողովուրդ»
«Ժողովուրդ» օրաթերթը գրում է. «Դեռևս հունիսի 23-ին կառավարությունն իր պահուստային ֆոնդից 150 մլն դրամ՝ ավելի քան 300 հազար դոլար է հատկացրել՝ ՀՀ գլխավոր դատախազությանը՝ դատախազներին խրախուսելու համար: Միայն թե կառավարության որոշման նախագծի մեջ մանրամասնված չէ, թե կոնկրետ ո՞ր դատախազներն են խրախուսվելու և հատկապես իրենց ո՞ր քայլի համար:
Խրախուսման ներկայացված դատախազների անունները չի հրապարակում նաև ՀՀ գլխավոր դատախազությունը. այս կապակցությամբ «Ժողովուրդ»-ի հարցմանը նրանք խոստացել են պատասխանել օրենքով սահմանված ժամկետում: Մինչ այդ, նկատենք, որ ՀՀ գլխավոր դատախազությունը, ինչպես և իրավապահ մյուս համակարգը դարձել են իշխող ՀՀԿ-ի կցորդը, և նրանք շարժվում են Բաղրամյան 26-ից կամ Մելիք-Ադամյան փողոցի հայտնի շենքից իջեցված հրահանգներով: Հետեւաբար խրախուսման կներկայացվեն այն դատախազները, ովքեր կարողացել են Սերժ Սարգսյանի իշխանության դեմ ռեալ վտանգ ներկայացնող անձանց մեղադրանք առաջադրել և դատարաններում այդ մեղադրանքները պաշտպանել»:
Ամբողջությամբ կարող եք կարդալ «Ժողովուրդ» օրաթերթի այսօրվա համարում։
