Վթար Սպիտակ-Երևան ավտոճանապարհին. բեռնատարի վրացի վարորդն արգելափակվել է խցիկում
Հունիսի 21-ին, ժամը 21:36-ին տեղեկություն է ստացվել, որ Սպիտակ-Երևան ավտոճանապարհին գտնվող ռեստորանի մոտակայքում տեղի է ունեցել ՃՏՊ, կա տուժած. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Այս մասին հայտնում է ՀՀ արտակարգ իրավիճակների նախարարությունը։
Պարզվել է, որ Մ-3 ավտոճանապարհի Սպիտակ-Ապարան հատվածի 18-րդ կմ-ին «DAF» մակնիշի TXG 700 պետհամարանիշով բեռնատար ավտոմեքենան (վարորդ՝ 1950 թ. ծնված Շալվա Ուկլեբա, Վրաստանի Հանրապետության քաղաքացի) դուրս է եկել ավտոճանապարհի երթևեկելի հատվածից, կողաշրջվել և հայտնվել ճամփեզրին. վարորդն արգելափակվել է խցիկում:
Փրկարարները վարորդին դուրս են բերել արգելափակումից և մոտեցրել շտապօգնության ավտոմեքենային, ով հոսպիտալացվել է Սպիտակի ԲԿ. բժիշկները տուժածի առողջական վիճակը գնահատել են բավարար: Փրկարարները հոսանքազրկել են ավտոմեքենան:
Ստացված տեղեկությունը փոխանցվել է Վրաստանի Հանրապետության ՆԳՆ ԱԻ դեպարտամենտի օպերատիվ հերթապահին:
