Սամվել Բաբայանի նկատմամբ փողերի լվացման մեղադրանք է առաջադրվել
ԼՂՀ ՊԲ նախկին հրամանատար Սամվել Բաբայանի մեղադրանքի ծավալում փոփոխություն է տեղի ունեցել. մաքսանենգության մեղադրանքի փոխարեն փողերի լվացման մեղադրանք է առաջադրվել, որում նույնպես նա իրեն մեղավոր չի ճանաչում: Այս մասին «Փաստինֆո»-ին հայտնեց Սամվել Բաբայանի պաշտպան, փաստաբան Ավետիս Քալաշյանը:
Պաշտպանը հայտնեց, որ արդեն իսկ գործով հայտարարվել է նախաքննության ավարտի մասին և իրենց ժամանակ է տրամադրվել գործի նյութերին ծանոթանալու համար: Ավետիս Քալաշյանը նախաքննական մարմնից 15 աշխատանքային օր ժամանակ է խնդրել մոտ 10 հատոր կազմող գործի նյութերին ծանոթանալու համար, նրա միջնորդությունը բավարարվել է:
