«Ուկրաինան «աներևակայելի աջակցություն» ունի Վաշինգտոնում». Պորոշենկո
Ուկրաինայի նախագահ Պյոտր Պորոշենկոն, որն աշխատանքային այցով գտնվում է Վաշինգտոնում, հայտարարել է ԱՄՆ-ի աներեւակայելի աջակցության մասին: Այդ մասին հունիսի 20-ին հաղորդվում է նախագահի վարչակազմի կայքում:
«Տեսեք՝ ինչ հզոր ու ֆանտաստիկ աջակցություն մենք այժմ ունենք Միացյալ Նահանգներում: ԱՄՆ-ում կայացած նախագահական ընտրություններից հետո ես այսօր ժամանել եմ առաջին այցով: Եվ մենք ֆանտաստիկ ծրագիր ունենք»,- ասել է պետության ղեկավարը:
Նա նաեւ նշել է, թե «շատ կարեւոր է, որ Սպիտակ տանն իմ՝ որպես Ուկրաինայի նախագահի հանդիպումը ավելի շուտ կլինի, քան Պուտինի հանդիպումը»:
