Խոշոր ավտովթար Քուչակ-Ապարան ճանապարհին. մեղվի փեթակներ տեղափոխող բեռնատարը կողաշրջվել է
Հունիսի 19-ին, ժամը 21:35-ին տեղեկություն է ստացվել, որ Քուչակ-Ապարան ավտոճանապարհին տեղի է ունեցել ՃՏՊ. տուժածներ չկան, անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Այս մասին հայտնում է ՀՀ արտակարգ իրավիճակների նախարարությունը։
Պարզվել է, որ Մ-3 ավտոճանապարհի Ապարան-Քուչակ հատվածի 7-րդ կմ-ին մեղվի փեթակներ տեղափոխող «Dodge Magirus» մակնիշի 12 LO 728 պետհամարանիշով (վարորդ՝ 1940 թ. ծնված Ի. Մ.) ավտոմեքենայի ետևի անվադողը պայթել է, ինչի հետևանքով ավտոմեքենան կողաշրջվել է. ճանապահրը դարձել է միակողմանի երթևեկելի:
Փրկարարները հատուկ տեխնիկայի օգնությամբ ավտոմեքենան ուղղել և դուրս են բերել երթևեկելի հատվածից:
