«Նոր պատերազմ սկսվելու դեպքում ՀՀ ԱԺ-ն պետք է օրակարգ մտցնի Արցախի ճանաչման հարցը». Արթուր Թովմասյան
«Ազատ Հայրենիք» կուսակցությունը գտնում է, որ նոր պատերազմ սկսվելու դեպքում ՀՀ Ազգային ժողովը անմիջապես օրակարգ պետք է մտցնի Արցախի անկախության ճանաչման հարցը:
Անդրադառնալով «Հայկական կուսակցությունների երրորդ ֆորում»-ի աշխատանքներին այս մասին՝ «Արցախպրես»-ի թղթակցի հետ զրույցում ասել է ԱՀ ԱԺ «Հայրենիք» խմբակցության ղեկավար Արթուր Թովմասյանը:
«Ադրբեջանի կողմից լայնածավալ պատերազմ սկսելու դեպքում՝ Արցախի հետ ռազմաքաղաքական դաշինք կնքելով՝ ՀՀ-ն դառնում է Արցախի ժողովրդի անվտանգության երաշխավորը»,- ասել է Ա. Թովմասյանը և հավելել, որ հարցը ֆորումի քննարկման օրակարգում է:
Խոսելով Արցախի և Հայաստանի միջկուսակցական հարաբերությունների մասին՝ Ա. Թովմասյանը նշել է, որ դրանք գտնվում են գործնական մակարդակի վրա, իսկ նման ֆորումները հնարավորություն են տալիս առկա խնդիրների վերաբերյալ հստակեցնել բոլոր տեսակետները և գտնել արդյունավետ լուծուման տարբերակները:
