Փրկարարները մեկնել են Կոմիտասի պողոտա
Հունիսի 17-ին, ժամը 09:26-ին ահազանգ է ստացվել, որ Երևան քաղաքի Կոմիտասի պողոտայի թիվ 2 շենքի բնակարաններից մեկի (4 հարկ) բաց պատշգամբից քարը թուլացել և կախվել է, առկա է ընկնելու վտանգ. անհրաժեշտ է փրկարարների օգնությունը:
Դեպքի վայր են մեկնել մեկ մարտական հաշվարկ և Ճգնաժամային կառավարման ազգային կենտրոնի օպերատիվ խումբը:
Փրկարարները հատուկ տեխնիկայի օգնությամբ բնակարանի պատշգամբի հատակից ապամոնտաժել են 1 քար (0,02×0,04 մ) և բետոնե շերտ (0,2 քմ):
