«Ռեալը» կարող է գնել Կիլիան Մբապեին և թողնել նրան «Մոնակոյում»
Ֆրանսիացին դեմ չէ տեղափոխվել այն ակումբը, որտեղ խաղում է իր մանկության կուռքը՝ Ռոնալդուն, բայց գտնում է, որ 2018թ. Աշխարհի առաջնությունից առաջ ավելի լավ է մնալ Ֆրանսիայում:
«Ռեալն» այլընտրանքային որոշում է առաջարկել. գնել տրանսֆերը, բայց թողնել ֆուտբոլիստին «Մոնակոյում» վարձավճարով: Ինչպես հաղորդում է AS-ը, «Մոնակոյի» մերժման դեպքում իսպանացիները կփորձեն ձեռք բերել ֆուտբոլիստին մրցաշրջանի ընթացքում: Մադրիդցիներից բացի, հարձակվողով հետաքրքրվում են «Լիվերպուլը» և ՊՍԺ-ն:
Ավելի վաղ Մբապեն և «Մոնակոն» պայմանավորվել էին, որ պետք է 2017 թվականին արհամարհեն բոլոր առաջարկները: Զինեդին Զիդանը պնդում է, որ Մբապեի տեղափոխությունը «Ռեալ» անհրաժեշտ է: Մարզիչը հրավիրել է Կիլիանին ակումբի ակադեմիա դեռ 4 տարի առաջ:
Պատրաստեց Անի Գաբուզյանը
