Խամես Ռոդրիգեսը հայտնվել է «Զենիթի» հետաքրքրությունների շրջանակում
Մադրիդի «Ռեալի» կիսապաշտպան Խամես Ռոդրիգեսը կարող է տեղափոխվել «Զենիթ»: Պետերբուրգյան ակումբն ուզում է գնել կոլումբիացուն ամառային տրանսֆերային պատուհանի ժամանակ:
Ինչպես հաղորդում է Calcionews24-ը, ակումբի ղեկավարությունը մտադիր է համոզել Խամեսին տեղափոխվել Ռուսաստան մոդել Օլգա Կորոբիցինայի օգնությամբ, ով հանդիսանում է «Զենիթի» երկրպագուհի: Ավելի վաղ իսպանական մամուլը հաղորդել էր, որ 24-ամյա մոդելը սիրավեպ է սկսել կոլումբիացի կիսապաշտպանի հետ դեռ 2016 թվականին:
«Ռեալը» պատրաստ է բաց թողնել կիսապաշտպանին 70 մլն եվրոյով: Ֆուտբոլիստի ծառայություններով հետաքրքրված են նաև «Չելսին», «Լիվերպուլը», ՊՍԺ-ն և «Ինտերը»:
Պատրաստեց Անի Գաբուզյանը
