Վթար՝ Մաշտոցի պողոտայում. ուղևորը տեղափոխվել է հիվանդանոց
Հունիսի 12-ին, ժամը 23:10-ին ահազանգ է ստացվել, որ Երևան քաղաքի Մաշտոցի պողոտայի ստորգետնյա հատվածում տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել Ճգնաժամային կառավարման ազգային կենտրոնի օպերատիվ խումբը: Պարզվել է, որ բախվել են «Լադա Պրիորա» և «Mercedes» մակնիշների ավտոմեքենաները, ինչի հետևանքով ուղևոր՝ 1988 թ. ծնված Ե. Մ.-ը ստացել է մարմնական վնասվածքներ:
Փրկարարները Ե. Մ.-ին տեղափոխել են թիվ 1 Համալսարանական կլինիկա, որտեղ բժիշկները տուժածի առողջական վիճակը գնահատել են բավարար:
