Ադրբեջանի իշխանության կողմից լրագրողի առևանգումը չլսված վայրագություն և բարբարոսություն է. Չինգիզ Հուսեյնով
Գրող, գրականագետ Չինգիզ Հուսեյնովն իր վրդովմունքն է արտահայտել 2017 թ. մայիսի 29-ին Թբիլիսիում գտնվող լրագրող Աֆղան Մուխտարլիին առևանգելու և նրան Բաքվում բանտարկելու փաստի կապակցությամբ: Ինչպես տեղեկացնում է ադրբեջանական Meydantv-ն, գրողն այս մասին գրառում է կատարել իր ֆեյսբուքյան էջում:
«Լրագրողի առևանգումը չլսված չարագործություն, հանցագործություն, բարբարոսություն է՝ իրականացված Ադրբեջանի իշխանությունների կողմից, այո, հենց իշխանությունների, որոնք հղփացել են անպատժելիության մթնոլորտում: Եվս մեկ խայտառակ էջ ժամանակակից Ադրբեջանի պատմության մեջ»:
