Գերմանիայում ձերբակալել են «Ջեբհաթ ան-Նուսրա»-ի չորս ենթադրյալ մասնակիցների
Գերմանիայում, ինչպես ենթադրվում է, ձերբակալել են «Ջեբհաթ ան-Նուսրա» ահաբեկչական խմբավորման չորս զինյալների: Այդ մասին հայտնել է NDR հեռուստաալիքը՝ վկայակոչելով գլխավոր դատախազությանը: 39-ից 51 տարեկան տղամարդկանց բռնել են Լյուբեկում եւ Գերմանիայի հյուսիսի Հարբուրգի օկրուգում. գործողությանը մասնակցել են միանգամից երեք դաշնային երկրամասերի Ստորին Սաքսոնիայի, Շլեզվիգ-Հոլշթեյնի եւ Համբուրգի ոստիկանները: Կասկածյալների բնակարանները խուզարկվել են:
Բերման ենթարկվածները կասկածվում են այն բանում, որ 2012 թվականի նոյեմբերին նրանք հարել են «Ջեբհաթ ան Նուսրա» խմբավորմանը եւ զինյալների կողմում մասնակցել Սիրիայում ընթացող ռազմական գործողություններին: Հունիսի 13-ին որոշում կընդունվի նրանց ձերբակալման մասին, հաղորդել է ՌԻԱ Նովոստի գործակալությունը:
