Հավի լյարդը՝ պատրաստված ֆրանսիական ձևով

Հավի լյարդը ամենաէժան մսամթերքներից է, բայց, եթե իմանաք ֆրանսիական հրաշք սոուսի պատրաստման եղանակը, ապա կարող եք լյարդից շատ համեղ կերակուր պատրաստել:

Բաղադրիչներ

1. Հավի լյարդ – 600 գ
2. Ալյուր – 2 ճ/գ
3. Սոխ – 1 հատ
4. Յուղոտ սերուցք – 200 գ
5. Բուսայուղ՝ լյարդը և սոխը տապակելու համար
6. Աղ՝ ըստ ճաշակի
7. Հոտավետ պղպեղ՝ ըստ ճաշակի
8. Մանանեխ – 1 թ/գ

Պատրաստման եղանակը

1. Հավի լյարդը լվանալ, մաքրել թաղանթից և կտրատել ավելի մանր մասերի:

2. Ալյուրը խառնել պղպեղի հետ: Աղ չավելացնել:

3. Լյարդը մի թեթև թաթախել ալյուրի մեջ:

4. Ալյուրի մեջ թաթախված հավի լյարդը մի փոքր տապակել 2 կողմից: Դա պետք է անել շատ արագ:

5. Տապակած լյարդը շարել ափսեի մեջ և վրան աղ ցանել:

6. Մանր կտրատել սոխը և տապակել նույն բուսայուղի մեջ, ինչի մեջ տապակվել է լյարդը:

7. Մնացած ալյուրը ավելացնել սոխի մեջ և լավ իջեցնել կրակը:

8. Լավ խառնել և անընդհատ խառնելով՝ աստիճանաբար ավելացնել սերուցքը:

9. Հետո ավելացնել մանանեխը, աղ ցանել և խառնել:

10. Վերջում ավելացնել լյարդը, խառնել: Եփել կափարիչի տակ՝ ոչ ավել 2 րոպեից: Անջատել կրակը, ավելացնել կանաչի և կարագ:

Պատրաստեց Անի Գաբուզյանը