Վահան Մարտիրոսյանը հանձնարարականներ է տվել օդանավակայանում տաքսի ծառայությունների որակի բարձրացման վերաբերյալ
ՀՀ տրանսպորտի, կապի և տեղեկատվական տեխնոլոգիաների նախարարը տրանսպորտի վարչությանը ու լիցենզավորման գործակալությանը «Զվարթնոց» օդանավակայանից դեպի Երևան ավտոբուսային երթուղի կազմակերպելու հանձնարարական է տվել։
Վահան Մարտիրոսյանը ՀՀ տրանսպորտային տեսչությունը հանձնարարել է նաև շուրջօրյա հսկողություն իրականացնել օդանավակայանի տարածքում, քանի որ աշխատակիցները մեկ օրվա ընթացքում հայտնաբերել էին 30-ից ավելի չլիցենզավորված տաքսիներ և կազմել արձանագրություններ։
Օդանավակայանի տնօրինության հետ Վահան Մարտիրոսյանը քննարկել է մի շարք ընկերությունների հետ պայմանագրեր կնքելու հարցը, որոնք ապահովելու են ավտոմեքենաների որակը և վարորդների պատշաճ տեսքը։
Մարտիրոյանն օդանավակայանի ղեկավարության հետ քննարկել է նաև տաքսիների օրինական գործունեության և սպասարկումն իրականացնող ընկերության որակյալ՝ ծառայությունների մատուցման ապահովման հարցը։
Ներկայում տաքսի ծառայություն մատուցող ընկերությանը հանձնարարական է տրվել, որպեսզի նրանք վերանայեն սակագների, գովազդային վահանակների քանակը, ապահովեն քարտային վճարումների կարգը, վերանայեն սակագները։ Ոստիկանության ներկայացուցիչներն, իրենց հերթին կաշխատեն խստացված ռեժիմով։
