ՀԴԲ նախկին ղեկավարն ԱՄՆ-ում ՌԴ դեսպանին հետախույզ չի համարում
ԱՄՆ հետաքննությունների դաշնային բյուրոյի նախկին տնօրեն Ջեյմս Կոմին ԱՄՆ=ում Ռուսաստանի դեսպանին համարում է դիվանագետ, այլ ոչ թե հետախույզ: Նման դիրքորոշում նա հայտնել է ԱՄՆ Կոնգրեսի Սենատում անցկացվող լսումների ժամանակ:
«Ես նրան չեմ համարում հետախուզության սպա, նա դիվանագետ է»,- ինչպես հաղորդում է ՏԱՍՍ-ը, ասել է Կոմին:
Միաժամանակ, նա կարծիք է հայտնել, որ ռուսական դիվանագիտական ներկայացուցչությունում «ծառայում է հետախուզության աշխատակիցների հզոր թիմ» և դեսպանը պետք է տեղյակ լինի նրանցից ու շատ ակտիվ հետախուզական օպերացիաներից, որոնց մի մասն անցկացվում է ԱՄՆ-ում»:
Կոմին հաստատել է, որ ՀԴԲ-ն ԱՄՆ նախագահ Դոնալդ Թրամփի վարչակազմի համար այս թեմայով կազմակերպել է բրիֆինգներ:
