«Մտավախությունն այն էր, որ կլյաուզնիկների գործընթացը չխրախուսվի»
«Անդրանիկ Կարապետյանը մի քիչ մտքերը նենց ձևակերպեց, որ ուրիշ բան ստացվեց»,- այսօր ԱԺ-ում լրագրողների հետ զրույցում հայտարարեց ՀՅԴ խբակցության ղեկավար Արմեն Ռուստամյանը՝ մեկնաբանելով ՀՅԴ-ական Անդրանիկ Կարապետյանի հայտարարությունը, թե հակակառուպցիոն նոր հանձնաժողովի շրջանակներում «Ազդարարի համակարգը» «գործ տալու» մասին դրույթ է:
«Նա նկատի ուներ այն, որ ի չարս չօգտագործվի»,- պարզաբանեց Ռուստամյանը:
Ըստ նրա` խմբակցությունն այդ օրենքը քննարկել և կողմ է եղել, Կարապետյանն էլ լսել է դա.
«Մեր մոտեցման մեջ տեղավորվորել է հակակոռուպցիոն մարմին ստեղծելու խնդիրը: Ազդարաների մեխանիզմը նոր է գործածվելու Հայաստանում, մտավախությունն այն էր, որ ի չարս չօգտագործվի, կլյաուզնիկների գործընթացը չխրախուսվի, թե չէ ստեղ գործ տալու հարցը չի: Եթե հանցագործություն է տեսել քաղաքացին, պիտի ասի, ոչ թե հանցագործ աշխարհին բնորոշ ձևերով թաքցվի, կոծկվի»:
