Խուլ ամերիկուհին մասնակցել է երաժշտական մրցույթի
ԱՄՆ-ի Կոլորադոյի նահանգի բնակչուհին, որը 11 տարի առաջ կորցրել է լսողությունը, անցել է America՚s Got Talent (Ամերիկայում կան տաղանդներ) հեռուստաշոուի փուլը: Մենդի Հարվին ելույթ է ունեցել իր երաժշտական համարով ու երգով, որը նա ինքն է գրել: Տեղի ունեցածի կարճ տեսանյութը հրապարակել է CNN-ը։
29-ամյա Հարվիի խոսքով, ինքը լսողությունը կորցրել է ռեւմատիկական հիվանդության հետեւանքով: Այժմ կինը, որը երաժշտությամբ զբաղվում է չորս տարեկանից, օգտվում է մկանային հիշողությունից եւ տեսողական թյուներից: Ամերիկուհին բիթն ընկալում է իր ելույթների ընթացքում հատակի վիբրացիայի միջոցով:
