Իրաքյան Քրդստանում անկախության հանրաքվեն կանցկացվի սեպտեմբերին
Իրաքյան Քրդստանի իշխանությունները հայտարարել են, որ որոշել են Բաղդադից անկախության հանրաքվեն անցկացնել 2017 թվականի սեպտեմբերի 25-ին։
«Ես ուրախ եմ հայտնել, որ անկախության հանրաքվեն որոշվել է անցկացնել 2017 թվականի սեպտեմբերի 25-ին»,- Twitter-ում գրել է Իրաքյան Քրդստանի ղեկավար Մասուդ Բարզանին:
Associated Press գործակալությունը հիշեցնում է, որ այս տարվա ապրիլին Իրաքի վարչապետ Հայդեր ալ Աբադին հայտարարել է, որ հարգում է անկախության հարցը քննարկելու քրդերի իրավունքը, բայց նշել է, որ այժմ լավագույն ժամանակը չէ այդ հարցի շուրջ հանրաքվե անցկացնելու համար, հաղորդել է «Ինտերֆաքս» գործակալությունը:
