Պիեռ-Էմերիկ Օբամեյանգը կարող է տեղափոխվել Ֆրանսիա
Դորտմունդի «Բորուսիա»-ի գաբոնցի հարձակվող Պիեռ-Էմերիկ Օբամեյանգը կարող է տեղափոխվել ֆրանսիական ՊՍԺ: Այս մասին գրում է գերմանական Bild-ը: Շրջանառվող լուրերի համաձայն, Օբամեյանգը 4 տարվա պայմանագիր կկնքի ֆրանսիական ակումբի հետ` տարեկան 14 միլիոն եվրո աշխատավարձով: Հարձակվողի տրանսֆերի արժեքը կկազմի մոտ 70 միլիոն եվրո:
Օբամեյանգը Դորտմունդ է տեղափոխվել 2013 թվականին: Գերմանական ակումբի կազմում անցկացրել է 128 խաղ, խփել 85 գնդակ:
