«Հայաստանի զարգացման համար երկիրը պետք է կառավարի Սերժ Սարգսյանը». Գալուստ Սահակյան
ԱԺ նախկին նախագահ, ներկայումս ՀՀԿ-ական պատգամավոր Գալուստ Սահակյանը վստահ է, որ Հայաստանի զարգացման համար երկիրը պետք է կառավարի Սերժ Սարգսյանը:
«Պետության հնարավորինս արագ զարգացման համար, կարծում եմ, Սերժ Սարգսյանը պետք է ամբողջությամբ նվիրվի պետության հետագա կառավարման գործին»,- այսօր ԱԺ-ում լրագրողների հետ զրույցում ասաց Սահակյանը` միաժամանակ հավելելով, որ բարձր է գնահատում Կարեն Կարապետյանին:
Ըստ նրա` վարչապետի փոփոխության հարցն այս պահին պետք չէ քննարկել, քանի որ որոշվել է, որ այս կառավարության վարչապետը Կ.Կարապետյանն է. «Այդ հարցը կապված է երկրի առաջխաղացման հետ, մեր պետության հետագա ճակատագրի հետ»:
