Իրանի խորհրդարան ներխուժած ահաբեկիչները կանանց հագուստով են եղել
Իրանի խորհրդարանի շենք ներխուժած ահաբեկիչները կանանց հագուստով են եղել: Այդ մասին հայտարարել է հանրապետության ներքին գործերի փոխնախարար Մոհամադ Հուսեյն Զուլֆիքարը: «Կանանց հագուստով ահաբեկիչները մտել են Իրանի խորհրդարանի ընդունարան: Երկու մարդ զոհվել է, եւս շուրջ 30 հոգի վերքեր են ստացել: Հարձակվողները չորսն են եղել»,-Զուլֆիքարի խոսքը մեջբերել է Fars գործակալությունը: Նա հաստատել է հարձակվողներից մեկի ոչնչացման մասին տեղեկատվությունը, հաղորդել է ՌԻԱ Նովոստին:
