Լոնդոնում ահաբեկչական գրոհի երրորդ մասնակցին ավելի վաղ ձերբակալել էին Իտալիայում
Լոնդոնում կատարված հարձակման երրորդ մասնակիցն իտալա-մարոկոյական ծագում ունի, 2016 թվականին նրան ձերբակալել էին Թուրքիայի տարածքով Սիրիա անցնելու փորձի ժամանակ: Այդ մասին հայտնել է իտալական Corriere della Sera թերթը:
Հրատարակությունը հայտնել է ենթադրյալ զինյալի անունը եւ տարիքը, որի ինքնությունը մինչ այս պահը գաղտնի էր պահվում. նա 22-ամյա Յուսեֆ Զագբան է, որը ծնվել է Մարոկոյի Ֆես քաղաքում Մարոկոյի քաղաքացուց եւ իտալուհուց: Իտալական թերթի տեղեկատվությամբ՝ 2016 թվականի մարտին Զագբան ձերբակալվել է Բոլոնիայի օդանավակայանում «Թուրքիա մեկնող ինքնաթիռ նստելու փորձ անելիս, որպեսզի այնուհետեւ հասնի Սիրիա»:
Նշվում է, որ Իտալիայի հետախուզական մարմինները բրիտանացի եւ մարոկոյացի գործընկերներին կանոնավորապես տեղակացրել են նրա ինքնության եւ տեղափոխությունների մասին, հաղորդել է ՌԻԱ Նովոստին:
