Դորտմունդի «Բորուսիան» ՊՍԺ-ից գնել է Ֆրանսիայի պատանեկան հավաքականի ավագին
Դեն-Աքսել Զագադուն հանդես կգա Բունդեսլիգայում: ««Բորուսիան» ավարտեց ՊՍԺ-ից շատ հեռանկարային պաշտպան Դեն-Աքսել Զագադուի պայմանագրի ստորագրման գործարքը: Բարի գալուստ Դորտմունդ»,- ասվում է «Բորուսիայի» պաշտոնական կայքում:
Զագադուն տեղափոխվել է «Բորուսիան» անվճար: Հենց լրացել է ֆրանսիացու 18 տարին, ֆուտբոլիստն իրավունք է ստացել ստորագրելու առաջին պրոֆեսիոնալ պայմանագիրը: Ինչպես հաղորդում է ֆրանսիական մեդիան, ավելի վաղ Ֆրանսիայի պատանեկան հավաքականի ավագը մերժել է «Մանչեսթեր Սիթիին», «Լեյպցիգին» և «Վոլֆսբուրգին»:
Պատրաստեց Անի Գաբուզյանը