Արթուր Պետրոսյանը՝ հավաքականում ռեկորդի հեղինակ
Հայաստանի ազգային հավաքականն ընկերական խաղում կարողացավ ջախջախիչ հաշվով հաղթել Սենթ Քիթս և Նևիսի հավաքականին: Հայ ֆուտբոլիստները մրցակցի դարպասը ուղարկեցին 5 անպատասխան գնդակ և ամբողջ հանդիպումն անցկացրին առավելությամբ, ինչը, ըստ հավաքականի գլխավոր մարզիչ Արթուր Պետրոսյանի՝ սպասելի էր:
Արթուր Պետրոսյանը գլխավորում է հավաքականը ոչ վաղուց՝ ընդամենը 3 խաղ: Սակայն այս երեք խաղերը ռեկորդային էին գյումրեցի մարզչի համար: Արթուր Պետրոսյանը դարձավ Հայաստանի ազգային հավաքականի պատմության մեջ առաջին գլխավոր մարզիչը, ով հաղթանակ տարավ հավաքականը գլխավորելուց հետո մեկնարկային երեք խաղերում անընդմեջ:
Սիրարփի Աղաբաբյան
