Պուտինը հերքել է Թրամփի շտաբի հետ գաղտնի կապուղու մասին տեղեկատվությունը
Ռուսաստանը ոչ մի կապուղի չի ունեցել ԱՄՆ-ի նախագահի թեկնածուների շտաբներից որեւԷ մեկի հետ: Այդ մասինշ հայտարարել է Ռուսաստանի նախագահ Վլադիմիր Պուտինը NBC հեռուստաալիքին տված հարցազրույցի ժամանակ՝ մեկնաբանելով այն տեղեկատվությունը, թե Վաշինգտոնում ՌԴի դեսպան Սերգեյ Կիսլյակը Ջարեդ Քուշների՝ այժմ ԱՄՆ-ի նախագահ Դոնալդ Թրամփի խորհրդականի հետ քննարկել է ընտրարշավի շրջանում «Կրեմլի հետ փակ կապուղու» ստեղծման հնարավորությունը:
«Ռուսաստանը ոչ մի կարգի կապուղիներ չի ստեղծել եւ ոչ մեկի հետ ոչ մի կարգի կապուղիներ չի ունեցել: Հնարավոր է՝ ինչինչ պաշտոնական շփուներ են եղել բոլոր թեկնածուների շտաբների հետ, դա նորմալ դիվանագիտական պրակտիկա է»,-նշել է նա:
«Պարզապես ինչոր մեկը որոշել է կառչել դրանից եւ դա ընտրել է որպես գործող նախագահի վրա գրոհելու միջոց»,-նշել է Ռուսասատանի նախագահը: «Դուք դատարկ տեղում սենսացիա եք սարքել եւ այն պայքարի միջոցի վերածել գործող նախագահի դեմ»,-հայտարարել է Պուտինը Թրամփին հասցեագրված մեղադրանքների առիթով:
