Տեսանյութով ցուցադրել են կառավարվող ճպուռ-կիբօրգին
ԱՄՆ-ում Չառլզ Շթարք Դրեյպերի լաբորատորիայի եւ Հովարդ Հյուզի բժշկական ինստիտուտի հետազոտողներն ստեղծել են ճպուռկիբօրգ: Առաջին թռիչքի տեսագրությունը հրապարակել է Gizmodo հրատարակությունը։ Գիտնականները կենդանի միջատին ամրացրել են մանրիկ տվիչներ եւ DragonflEye էլեկտրոնային սխեմաները, ինչը թույլ է տվել այն կառավարել հեռվից: Դրա համար գիտնականները լուսազգայուն գեներ են ներդրել կենդանու նյարդային համակարգում, ինչը նեյրոններին թույլ է տալիս արձագանքել էլեկտրոնիկայի միջոցով տրվող լույսի իմպուլսներին: Օպտիկաթելքային կառուցվածքները սնուցվում են էլեկտրականությամբ, որն արտադրվում է փոքրիկ արեւամարտկոցներով:
